香港新浪網 MySinaBlog 精選話題工具
« 上一篇 | 下一篇 »
Sara | 6th May 2013 | ☆mami ‥ 粥粉麵飯.湯水食譜☆ | (4247 Reads)

Picture

我準備好啦!

上次嵐嵐出世, 因為仍是新手媽媽, 什麼也不懂, 好友主動提出幫我弄炒米茶, 當然樂意之至emotion

今次不同了, 已是一個經驗媽媽, 好多事都不應假手於人, 希望不要太多勞煩身邊的朋友們, 一於自己為自己準備一下emotion

 

於是, 也是靠網路的搜尋器, 找到了大致上的方法, 給孕婦媽媽和自己作一參考

 

其實炒米茶(代茶)的作用, 是加強新陳代謝, 紓緩身體不適情況,另外產婦大多有胃寒情況,經常口淡淡,若果飲用一般滾水會增加口淡感覺, 容易出現作悶, 若不斷喝水, 就很容易出現胃脹.尿頻.便秘.腳水腫情況, 飲用代茶則可改善情況.所以產婦一般都會飲用代茶至滿月為止!!

先說說用料...

炒米:

可以用:白米、紅米、糙米、黑糯米(會較前者為補),全部一齊撈埋炒都可以,只選其一亦可! 不過建議如果是夏季出生的寶寶媽, 其實也不需太補, 否則會太過燥熱呢! 恐怕虛不受補呢!

材料:

  • 炒米

  • 陳皮 (順產可以轉用薑)

  • 元肉

  • 杞子

  • 淮山

  • 黑豆 (餵人奶媽媽可以加黑豆去炒, 因為黑豆可以增加奶量, 不過一定要清晒惡露先好飲,因為黑豆好補血)

  • 南棗 (順產適用)

***注意事項***
1.紅棗、當歸勿用,因會旺血
2.陳皮越耐、越多年越好,建議用7年以上既陳皮,咁就唔駛去囊,因為去囊要沉水15分鐘後再用匙刮去囊,咁樣一齊入茶包袋好易會令到其他材料濕哂而變壞。
3.順產用薑建議飲時先加,唔好一齊入茶包袋,因為會令到其他材料濕哂而變壞。
4.所有材料都唔需要洗,保持乾爽,到飲用既時候,過一次熱水後,第二次既熱水就可以焗15分鐘飲得,每一包炒米茶可以返焗2-3次。

 

份量我隨心:炒米(2湯匙西式果d匙)、陳皮(隨心)、圓肉(5粒)、杞子(隨心)

第一日:炒米(泰國紅米)+ 陳皮 (順產可以用薑)

第二日:炒米(泰國紅米)+ 陳皮 + 圓肉

第三日直至坐完月:炒米(泰國紅米)+ 陳皮 + 圓肉 + 杞子 (開刀生者適用)

第四日直至坐完月:炒米(泰國紅米)+ 陳皮 + 圓肉 + 杞子 + 南棗(順產生者適用)

開刀生B者, 只需要 "第一日、第二日、第三日"
順產生B者, 可整哂 "第一日、第二日、第三日、第四日"

整好後入密實袋壓走多餘空氣, 收好係放係雪櫃就可以架啦, 到入院既時候記得帶埋去醫院就okay。

所有材料都唔駛洗,沖黎飲時,用滾水過1過水,之後第2次沖出黎就可以飲用, 返沖2-3次都依然有味,不過飲時小心熱燙親口仔,我用保溫瓶焗15分鐘左右後飲用。

詳盡資料來自: http://www.baby-kingdom.com/forum.php?mod=viewthread&tid=5843905&extra=page%3D1

留言(0) | 引用(0) | 話題(食譜)